badi berukhi hai...janaab ke chehre par...

lagtaa hai barson se aankhon ne sahil nahin dekha....

khabar waqt ki rakhte the kabhi....

abhi waqt ki khabar se bekhabar hain janaab...

lagtaa hai nazaron ne palkon ka aanchal nahin dekha....

" vikram choudhary..."

what should i say....now...
i don't know......
but i can say only ... that...
i am finding myself now... thats it....
i don't know ... which is the right way....

but i am walking ... walking ... walking ... and walking ...

" vikram choudhary...."

yes....its right....

when the music comes out from the

instrument...............

then its fire follows our soul.........

its not believing........its feeling..........

" vikram choudhary..."

yes really i am not dreaming...

i am seeing only that dream....

which comes true.............................

may be i am wrong....

but it is my way to reach my destiny....

" vikram choudhary..."

" KAL EK KHAAB DEKHA THA..."

KAL EK KHAAB DEKHA THA...
LEHRON PAR CHALTA EK MAHTAAB DEKHA THA...
SHAANT CHHALAKTA SA....MAASOOM SA BEHKTA SA...
MERI AANKHON NE BINA POOCHHEY AAHISTE SE...
USKI SHARMEELI SI AANKHON KA KAAJAL DEKHA THA....
HAAN ... KAL EK KHAAB DEKHA THA.............................

SAANSON PAR THAHARTA EK EHSAAS DEKHA THA...
JHILMIL TAARON SA .... MADDHAM KINAARON SA...
MOM KI GUDIYA SA MOTI MEIN DHALTA SA....
APNI SEHMI SI BAAHON MEIN EK BAADAL DEKHA THA....
HAAN ... KAL EK KHAAB DEKHA THA...................................

KHAUF SE BEKHABAR...MAUT SE BEASAR...
ZINDAGI KI REHGUZAR KA EK ANDAAZ DEKHA THA...
ITHLAATA SA....LEHRAATA SA....MEHKAATA SA....
APNI ROOH MEIN PALTAA EK AANCHAL DEKHA THA....
HAAN ... KAL EK KHAAB DEKHA THA.......HAAN KAL EK.........HAAN...
-----------------------------------------------------------------------------------------------------------
“ VIKRAM CHOUDHARY ...”

" AKELAPAN ..."

“ AKELAPAN…..”


Ye mera akelapan…kab door hoga mujhse…..
Ab paas hai ye mere…kuchh khaas hai yun sabse…..
Door mai rehna chahta hoon…mere is akelepan se…..
Magar kehta hai ye mujhse…na door hona tum aise….
Ki reh na jaayen hum tanha ….
duniyan mien khud se bichhad ke…..
sab kuchh hai paas mere…
kaash ho jaayen ab savere...
kareeb hain dil ke khushiyan…
phir bhi hain tanha andhere …..
ye mera akelapan aur mere afsos nazaare…..
har baar kehte hain mujhse…
kuchh rehem to lo rab se…..
rakhne hain paas dil ke…
ab mujhko naye sahaare…..
jo door rakhenge mujhko…
bachaa kar akelepan se…..
hai pyaar akelepan ka ki muddat se paas hai mere…..
magar kho jaaoonga ab mai…
is akele pyaar mien jahaan ke…..
akelapan aur tanhaayi…
yun baithey hain aas lagaa ke…..
na chhod jaaye yun mera dil …
inko is be-dil jahaan mien………
ke kahaan jaayenge hum chhod kar is dil ko…..
ki kahaan milega aisa dil…is duniyan mien humko…..
jo pyaar karta hai aise…tanhaayi aur akelepan ko…..
ki hon wo uske saathi…koi pyaare jeevansaathi jaise....
rota hai mera akelapan…door hone ke is ghum se …..
ki aankhen bhi meri dekh kar…us akelepan ka pyaar...
roti hain akele mien kahin chhup kar……
door karne ko dil ka karaar…
ab kaise mai chhod doon isey……
is jaalim sansaar ki bereham vaadiyon mien…..
ke hai ye mera akelapan…
naa door hoga ab ye mujhse…………………………….
Hota agar koi kaanch ka tukda….
To mere dil ki tarah isey bhi toot jaane deta….
Magar kya karoon….
ye to chhoote hi mere jaisa ho jaata hai……………

-----------------------------------------------------------------------

“ VIKRAM CHOUDHARY …”

" NAA JAANE KYUN...."

" NAA JAANE KYUN...."

“ kabhi kabhi kuchh chhuta chhuta sa lagta hai…lagta hai jaise kabhi kuchh payaa hi nahin thaa…jo hai usmein khud ko hamesha adhoora adhoora sa paata hoon…. Bheetar hi bheetar ek khalipan sa mujhe kachotta rehta hai…baahein failaata hoon to meri hi parchhayi usmein samaa jaati hai…aur kuchh uljhey se sawaal karti hai…lagta hai…maano jahaan bhar ki tanhai un sawaalon mein simat aayi ho….aansoo aankhon mein itne gahrey doob gaye hain ki…chah kar bhi nahin chhalaktey…. ek ajeeb sa thahraa thahraa sa ehsaas palkon par hamesha sehmaa sa rehta hai….dil tak dimaag ki baat pahunchti nahin… aur…saansein hain ki dimaag ki sunti nahin …kabhi kuchh khoobsurat sa pal aata hai….to lagtaa hai…ki khaab hai…palak jhapaktey hi achanak ojhal ho jaata hai…aur phir sab kuchh pehle ki tarhaa khaali khaali sa lagtaa hai…pataa nahin mann kis soch mein rehtaa hai….kya chahiye ye bhi mujhe nahin maloom…bas barson se kuchh dhoondh raha hoon mai….chun chun kar ikatthaa karta hoon un khoobsurat lamhon ko…lekin…naa jaane kaise meri ungaliyon ke beech se saare lamhe ret ki tarhaa phisal jaate hain…phir saara din saari raat mein un lamhon ko sametne ki koshish kartaa hoon…par har baar meri koshish naa jaane kyun naakaam hi rehti hai…aur phir ek baar mai mayoos si apni nigahon mein bechain si talash liye behataasha ho kar kahin aur nikal padtaa hoon…shaayad is khwaahish mein ki kahin aur kuchh aisa mil jaaye mujhe …jissey mai apna khaalipan door kar sakoon ….magar har taraf mujhe apna hi chehra dikhaai deta hai baar baar…. aur har baar mere chehre par wohi gumsum si tasveer nazar aati hai…jitna aagey mai chalta jaata hoon tasveer utni hi dhundhli hoti jaati hai…mai bahut koshish kartaa hoon ki wo dhundhlahat door ho jaaye…lekin jitni koshish kartaa hoon sab bekaar jaati hai…aur jaise hi mai khud apne hi aks ko pakadne jaata hoon to…wahaan ek dum andheraa sa chhaa jaata hai…sab kuchh sunsaan sa lagtaa hai us samay… aankhein dekh kar bhi andhi si ho jaati hain….aisa lagta hai…koi binaa chhuey kuchh kehnaa chahtaa hai mujhse…lekin wo aawaaz naa jaane kyun mere kaanon tak nahin pahunch paati … magar uska wo unchhua sa ehsaas mere rom rom mein hamesha ke liye bas jaata hai…apna sa hone ka saboot de kar wo naa jaane kahaan ghum ho jaata hai….lekin mai pal pal khud apne hi aks ka adhoorapan jeeney ke liye majboor ho jaata hoon….aur phir se ek khaali khaali sa …..kuchh haath se chhuttaa hua …bheetar hi bheetar kuchh kachottaa sa saaya mere charon aor mandraane lagta hai…aur mai chah kar bhi naa jaane kyun us akelepan ke saaye se bahar nahin nikal paata ….jo mujhse pyaar kartey hain…wo shaayad is akelepan ko samajh hi nahin paate…sab kuchh theek hai mere aas paas…magar naa jaane kyun mere andar hi kuchh bigad gayaa hai…jise theek karne ki koshish mein …mai khud hi apne bheetar ek uljhaa sa sansaar banaa baitha hoon…jismein ulajh kar mere aas paas ki khoobsurat cheezein bhi ab khud – b – khud mujhse door hoti jaa rahin hain…

Naa jaane kyun aisa mere hi saath kyun hota hai…mai aisa nahin kahoonga….par phir bhi… mujhe koi shikaayat nahin hai meri zindagi se…jitnaa wo de rahi hai shaayad utnaa hi mere hissey ki zindagi hai…ho sakta hai…mera ye akelapan ehsaas zindagi ka doosra pehloo ho…jo mujhe kuchh samjhaane ki koshish kar raha ho…dekhte hain baaki safar mein kya hota hai….

Abhi to haath se chhuti ret mein hi mai khud ko dhoondh rahaa hoon…
Naa jaane kyun, khud hi ko sametney mein itna waqt lag rahaa hai….



“ Vikram choudhary…”

" AAINA....."

“ AAINA……”


Kitna sundar lagta hai…jab koi apni tarah lagta hai…
Kuchh apni si kehta hai…kuchh apni si sunta hai…
Kambakht ye to aaina hai…
Jo surat badalte hi bas usi ki tarah lagta hai………..

Jahaan na kuchh apna hai na kuchh paraaya …..
Bas kuchh hai to wo hai apna saaya…………...
Ab sundar hai…tab bhi tumhaara ….
Badsurat hai…tab bhi …
hain to sab wahaan ek jaise……magar phir bhi…har baar khud ko zyaada sundar banaane ki hod si lagi rehti hai…hum sabke beech………….
Ab aaina to wahi hai….bhes badalne mein hum apni aankhon ko to dhokha de sakte hain …magar…..aaine ko nahin…..
Wo to ek hi pal mein sab pehchaan jaata hai…
Chahe koi kitna bhi ban sanwar kar aaine ke saamne khada ho… magar…aaine ke sach se koi nahin bach sakta……
Wo to darpan hai…apnapan nahin … jo jhooth ko bhi jeete huye bol de ki….yahaan kaun sachcha hai………………….

Darpan….haan…aaina….

Sach hai….roop ki dharohar ka vaastvik aalingan shayad hi koi aur doosra aaine se achchha kar paaye……………………

--------------------------------------------------------------------------------
Vikram choudhary

“ अर्थ से आध्यात्म तक ”

  “ ॐ  नमः  शिवाय ”

“ अर्थ  से  आध्यात्म  तक  ”

मोक्ष  के  रस  की  धार  पे

मन  करे  कर्म  अनंत ..

अपनों  धर्मं  सँवार  के

करें  ना  स्वारथ  अंत ..

माया  के  दरबार  में

भीगें  मद  मद   कंठ ..

मन  की  मैली  राख  में

लिपटें  भोगी  संत .....!

माया  भ्रम  का  दुआर  है …माया  मन  श्रृंगार  ..

नैनन  रास  विचार  है …जग  संभोगी  हार ..

माखन  से  मिसरी  मिले  तो  जिव्हा  जनम  सुधार ..

सूखे  रोट  जो  हाथ  लगे  तो  अंतर्मन  तकरार  ..

करमन  के  अम्बार  पे  भटके  मन  के  तार  ….

रज  की  शर्म  उजाड़  के  जीवें  मन  से  हार .....

सोवत  मन  बेगार  में  सुमति  मद  में  डार

ढूँढत  रस  के  फूल  हैं  कंटक  शयन  पसार ....!


योग  सफल  तब  होइये  भोग  विफल  जब  हो

साँचा  तप  जब  होइये  ख़ाक  अहम्  जब  हो

दान  तब  पूरण  होइये  ना  नाम  लिखा  जब  हो

ध्यानी  जन  तब  होइये  संग  क्षमा  जब  हो ......!!


" विक्रम  चौधरी "




ARTH …jo humaare jeevan mein aham daaromadaar nibhata hai……………zindagi ke pratyek pehloo ko suvidhajanak aur aaraampoorn banane mein arth ki mehetvpoorn bhoomika hai..
Apni ikshaon ko mehtvakanksha mein badalne ka swaroop hi arth hai………aur waise bhi is maayajaal mein arth ki saarthakta se badi cheez koi nahin……..yahan har vastu , insaan apne apne laabh ke liye apne apne tareeke se ek doosre ke sampark mein aate hain……………………………..
Aur usi paristhiti mein samaaj ka nirmaan hota hai………….
Sampark , sehyog , pyaar , nafrat , faayda , nuksaan , achchha , buraa , dharam , karam , jaati , varn , roop , swaroop ….ityaadi….
Ye sab arth ke hi samanantar roop hai………………………..
jo jeevan ki prashthbhoomi ka mil kar nirmaan karte hain…..
aur yahi arth sansaar mein maaya ka bhram paida karta hai...
jiske kaaran insaan hamesha aadhyaatm se door hi rehta hai……kabhi kabhi hum dekhte hain………log aadambar ko aadhyaatm samajh lete hain….aur sochte hain…ki yahi asli aadyaatm hai…..aur log bhi unke bhram mein ulajh jaate hain……..unka jeevan pravachan kaari hota hai….aur bhog usmein khud hi shaamil ho jaata hai……aur kuch kitaabi gyaan ko rat kar wo log janataa ko bhramit kar dete hain…
kyunki yahaan dharm se badh kar koi cheez nahin hai….dharm ke sambandh mein….koi sunvaai nahin hoti…jab dharm ki satta ki baat aati hai….to har cheez ka mooly us sthaan par kam ho jaata hai….isliye janataa bhi us pravachan ka khul kar samarthan karti hai….kyunki wo baatein ishwar ke naam ka sahaara le kar kahi jaati hain…. Aur ishwar ke naam ka virodh ek aam insaan to kya vishisht insaan bhi nahin kar saktaa…..isliye ….is tarah ka bhramit aadhyaatm humaare tumhaare beech janam le leta hai……jis ki wajaah se hum sadaiv vaastvik aadyaatm se vanchit rehte hain……
jo vyakti apne bhog vilaasi jeevan ke liye ishwar ke naam ko sahaara banaate hain….yahaan un logon ko hi aadhyaatmik purush samajh liya jaata hai……
ismein ….naam ki bhookh , prasiddhi ki iksha , jan bhakt banaane ka sukh , khud ko ishwar samaan banaane ki laalsa , jan kalyaan ke chalte daan de kar khud ko mahaan banaane ki kaamna aur moksh praapti ki khwahish…ityaadi shaamil hote hain…………jiske kaaran wo vyakti khud - b – khud arth se jud jaata hai…………..aur parmaatmaa ke vaastvik rahasya aur aadhyaatm se door ho jata hai……………………………..
kyunki aadhyaatm ka aashry in sab cheezon se koson door hota hai…..jahaan arth ko jeevan ka sabse vyarth pehloo samjha jaata hai……………………………………………………
lekin insaan chahta hai ki usey arth bhi mile aur aadhyaatm bhi……magar aisa kabhi sambhav nahin ho sakta……………

AADHYAATM….mere anusaar iska arth kuchh aur hi aata hai……matlab jaisa mujhe mehsoos hota hai….ki shaayad yahi sahi arth hai…aadhyaatm ka…..ho sakta hai mai apni jagah galat hoon…..magar aisa mujhe meri aatmaa ki aawaz se ehsaas hota hai……………..
Aadhyaatm….matlab…
“ AATMAA KE DYAAN KA AASHRY ” ………………
Mai aisa isliye samajhta hoon…..kyunki mujhe lagta hai…ki jab tak hum apni aatmaa ka dyaan nahin karenge tab tak kisi ishwariy ya saty ki talaash ke rahasy ko nahin jaan paayenge…..kyunki keval shaastron aur vedon ko pad kar nahin jaana ja sakta ki…aadhyaatm kya hai….iske liye sachchey mann se aatmaa ka aashry lena hi sahi maayne mein saarthak maarg hai…….humaari aatmaa mein khud itni shakti hoti hai ki iske manan se hum kisi bhi rahasy ko jaan sakte hain…….isiliye maine aadyaatm ko meri is paribhaasha se joda hai….ab ho sakta hai ki kuchh maananiy vidvaan log kuchh aur kehte hon…magar mai poorn roop se kahi baaton par yakeen nahin kar sakta………
Kyunki isiliye shaayad aaj logon ke liye aadhyaatm ka prashn bahut uljhan se bhara hai…aur iske katin aur rahasymayi vyavhaar ke kaaran….log vaastvik aadhyaatm se aaj bahut door hain….jabki iske shurooaat humaare hi desh se huyi hai…phir bhi hum iske vaastvik aur prakritik roop ko pehchaan aur samajh nahin paate….magar mai kehta hoon agar insaan sahi maayne mein apni aatmaa se roobroo ho jaaye to wo aadhyaatm ke swaroop ko bhi samajh jaayega..
Lekin iske liye mann mein paardarshita laani bahut zaroori hai…..sab ek samaan dikhne lage kuchh bhi chhupa naa reh jaaye tumhaare aur aatma ke beech tabhi hum aadhyaam jaise gehre vishy par adhyyan kar paayenge………………….

Mai yogi hoon mai yogi hoon…
Bhogi mohe naa boliye…..
Parmeshwar ki mai jyoti hoon…
Jan se mohe naa tauliye…..
Naa kahiye jag mai dhongi hoon…
Ab kahoon bhakt naa doliye…..
Mai sanyasi mai gyaani hoon…
Baani meri hi boliye…..


Mai ….mai aur mai….aage bhi mai peechhey bhi mai.
….jaage to mai soye to mai…..
….uthey to mai baithe to mai…..
….chale to mai ruke to mai…..
….chup to mai bole to mai…..
….hanse to mai roye to mai…..
….kahe to mai sune to mai…..
….dekhe mai dhikhave to mai…..
….jeete to mai haare to mai…..
……………………………………..jahaan dekho …jise dekho bas mai hi mai….kabhi ek baar is mai ko aap banaa kar dekho…….to swatah hi pal bhar mein mann ki chanchalta….sheetalta mein badalti nazar aayegi…..
Aur phir aatma ka chhalakta jal bheetar hi bheetar thahar jaane ki baat karega tumse….
Tabhi sambhav ho paayega ki tum aadyaatm…ke charno ki dhool ka kan maatr apne antarmann mein mehsoos kar paao…….
kyunki jab “ aatmaa ke dhyaan ke aashray mein”….insaan aata hai…to wahaan mai aur meri jaisi dekhne wali cheezein apne aap hi samaapt ho jaati hain………………………………………………………….
Isliye mai ka daaman chhod kar …. agar hum moksh ka aanchal thaam lein….to shaayad aatma aur parmaatmaa ke beech ka raasta thoda sugam ho jaayega…..lekin haan……ye sab itna aasaan nahin hai…kyunki…..insaan ki moksh ko paane ki iksha aur swaarth hi usey moksh se door kar deta hai….
To dyaan rahe…“aatmaa ke dhyaan ke aashray mein..”
Iksha ka sthaan anant tak vilop hi rehta hai…………..

Isliye …
“ Iksha bhar mann chhodiye
Seencho mann bhar dhyaan…
Tan baati so jal padey
Ho tab nirmal nhaan……..”

humare duara kiya hua koi bhi kaam jo kisi ke samarthan ya sehyog ke liye hota hai…wo humaara us par koi ehsaan nahin hai….wo khud hamaare liye ishwar ka sehyog aur samarthan hai…..jise hum hamesha maaya ke bhram mein ulajh kar…apne duara diya hua daan , madad , sehyog ityaadi…ko doosre logon par apna ehsaan samajhte hain….jabki ehsaan to unka humaare upar chadh jaata hai…jab wo humare duara madad praapt karte hain…kyunki har insaan ko sat karm karne ka saubhaagya ishwar nahin deta…….
Agar ye saubhaagya hamein mil jaata hai to samjho ki humaare kuchh achchhey karm rahe honge jiske kaaran ishwar ne humko iske kaabil samjha ki hum kisi ke kaam aa sakein…………………………………………….

Kyunki ishwar ki param jyoti ka prabhaav … ameer , gareeb , gyaani , agyaani , varn bhed , dharm bhed , gora kaala ityaadi dekh kar nahin padta……ye to maanav maatr ki swachchh antar aatma ka chumbakiy aavran hai….jo parmaatma ki param jyoti ke lesh maatr asar ko chhoo paata hai…tabhi hum is kaabil bante hain ki kisi ke liye kuchh kar paayein…..nahin to dhan ke bhandaar bhare bhare deemak lag jaate hain…..aur insaan ek kaudi tak ki madad nahin kar paata jeevan bhar….. aur chala jaata hai ye kehte huey ki …sansaar mithya hai….jeevan ek sangharsh hai….yahaan koi kisi ka nahin….har insaan apne faayde ke liye kaam karta hai….sab lobhi hain….sab aadambar mein jeete hain….apne hi paraaye hain….sachcha pyaar kisi ko nahin milta….sab kismat ka hi khel hai…………. kuchh isi tarah ki nakaraatmak soch ke kaaran insaan parmaatma ke sakaraatmak prabhaav ko mehsoos hi nahin kar paata……………………………………………
Agar ek pal ke liye bhi praani apni soch ke nakaraatmak pehloo ko ek taraf karke ishwar ke saundhey ehsaas ko mehsoos kare to….usi chhan usey har cheez sundar lagne lagegi…..sab ek samaan dikhega…..aur wahi soch insaan ko vaastav mein insaan banney mein saarthak hogi……………………

Maaya ke bhram mein ulajh kar vaani aur vachan ka gun dooshit ho jaata hai……jiske kaaran praarabdh aur anant ke madhy vidhyamaan panch tatvon ka gun aapke vyaktitva par prabhaavheen ho jaata hai…………

Apni khwahishon ka ghulaam khud insaan…
Apne hi haathon ki kathputli ban jaata hai…
Aur phir kehta hai ki zindagi ek khel hai…
Magar wo anjaan ye nahin samajh paata ki jis khel ki uljhan mein wo ulajh raha hai….us khel ki rachna khud usi ke haathon se huyi hai………………………..

Ek aur jeevan ka ajeeb khel hai…ki…hum humesha kehte hain…ki ye saara sansaar swaarthi hai….yahaan har koi swaarth ke pehloo ko siddh karte hain……….
Lekin sach to ye hai…ki jo insaan ye baat keh raha hai wo khud apne us swaarth ko siddh kar raha hai…jahaan wo sochta hai ki mai aur logon ki tarah nahin hoon mai swaarthi nahin hoon….jabki wo khud apne achchhey hone aur mahan banney ke laalach ke swaarth mein lipt rehta hai……………………………….
Kyunki agar hum ye baat kehte hain to saamne wala bhi to isi baat ko keh kar khud ko sabse alag saabit karna chahta hai….is kaaran wo dono hi swaarth ke bhaagidaar ho jaate hain….
Kyunki insaan humesha chahta hai ki log uski prashansa karein …… aur har vyakti usi se apne vichaar aadi ka vinimay karta hai jahaan usey lagta hai ki log uski baat ko sun rahe hain aur samajh rahe hain……
Bhle hi wo kisi ka nuksaan nahin kar raha lekin apne laabh ke liye wo har tarah ka jatan karne se peechhey bhi nahin hatta……ab chahe wo laabh uski prasiddhi se juda ho ya ishwariy shaktiyon ko grahan karne ke liye juda ho………ya phir iske liye ki logon ki nazron
Mein wo sat purush banna chahta hai…………………..
Is tarah ki jitni bhi cheezein chahe kisi bhi roop mein hon……unka sambandh kisi na kisi roop mein swaarth se hi juda hota hai………………………………………..
Isliye sansaar mein agar koi cheez sabse zyaada bhram paida karti hai to wo hai….swaarth……………………
Jo kisi naa kisi roop mein humse jud hi jaata hai….
Bas fark ye hai ki hum ussey door hone ki kabhi koshish hi nahin karte…..
Jaante hain …. Magar maante nahin….


MAY BE I AM WRONG......BUT ITS TRUE.....

VIKRAM CHOUDHARY....

" KHAAB...."

“Khaab ….”


Ek din aangan ki khushboo kuchh aur hi thi…
Titaliyan bekhauf ho kar phoolon ke rang mein rangeen ho rahin thi…bhaware sangeet ke anekon sur apni gunjan se bikher rahe the…chidhiyon ke nanhe – nanhe bachchon ke par abhi ugey hi the…ki wo aakash ko chhoone daud pade….chulbuli gilehriyan uchhal kood machati apne bachchon ka bhojan jutaate ghoom rahin thi….chhat ki munder par kai kabutar aa kar baith gaye.
Aur gutar goo gutar goo ki taan chhed kar aapas mein hi kuchh keh rahe the….aisa lag raha tha…mano sab kuchh ek khab ho…….
Bhalaa kabhi aisa ho sakta hai…ki sab ek hi aangan mein ek saath ho kar khel rahe hon….lekin aisa to sirf khaab mein hi ho sakta hai….(pause)
Magar nahin ye khaab nahin ho sakta …mai bhi to inke hi beech khel raha hoon....aur baatein bhi kar raha hoon…ye sab bina kuchh bole bhi sab kuchh keh rahe hain….
Nahin ye khaab nahin ho sakta …( music …pause…silent )
Achaanak kuchh bedhange se jaanwar aur bade bade pankhon
Wale panchhi mere aangan min aa dhamke ….ek dum dahshat
Bharaa malaul ho gaya…ek hi pal mein khushnuma rang udaasi aur bechaini mein badal gaye….mano sannaata sa goonj raha ho…ajeeb ajeeb si aawazein aane lagi charon aor se…
Itney mein achanak chhatpatakar meri aankhein khuli…maine kamre se baahar jaa kar dekha …kuchh cidhiyon ke pankhon ke chithde aangan mein bikhre pade hain…titaliyon ke pankh phoolon se liptey pade hain…gilehriyon ke toote nakhun aur khurchi zameen par khoon ke dhabbey pade hain…lag raha tha mano…aatank ki ek jhapak se kai maut ek saath ho gayin hain…mai sehem gaya…phir khyaal aaya ki chhat par jo kabutar the zaraa unko dekh loon….chhat par jaa kar dekha to wahaan bhi kuchh kabutar aadhi aadhi saansein bhar rahe the….maine jaise hi paani pilaaya…wo ekdum tilmilaakar zinda ho uthey …aur tez raftaar bhar kar meri munder se door chale gaye….meri lakh rokne ki koshish par bhi ek kabutar tak nahin ruka…mai udaas mann liye neechey utraa …aangan saaf kiya …aur chaarpahi bichha kar baith gaya …maine socha…kya khab bhi kabhi sach ho sakta hai…aisa lagta to nahin….magar meri aankhon ne jo manzar abhi dekha hai…wo khaab nahin hai………………..lekin phir maine socha…ki mera khaab shaayad abhi poora nahin hua…aur waise bhi ye to khaab hai …khaab ka kya sach aur kya jhooth …sab ek samaan hai…..(pause)…
Magar maine ummeed nahin haari …aur mai phir se ek nayi khaab ki duniya basaane chal pada…lekin is baar meri aankhein khuli thi….
Kuchh kagaz ke phool banaaye …panchhi banaaye …gilehriyan daudayin….kuchh kabutar chhat par sajaaye..aur resham ki titliyan udhaayin….kamrey mein itr rakha tha …aur rangon ki ek puraani potri rakhi thi…rangon mein itr milaya …aangan mein bikhraaya……phir aaraam se late kar usi khaab ko mehsoos karne ki koshish karne laga…..baar baar usi khushboo ko soonghne ki liye khyaalon ke bheetar jaankney laga…. Magar jo khushboo us khaab mein thi…is haqiqat mein …mano gayaab si ho gayi hai………kuchh hi der mein tej hawa ke jhonkon ne …mere haathon se bane is baagh ko bhi ujaad diya…….magar is baar meri aankhon mein nami nahin thi… aur naa hi saanson mein sehemaapan tha…….
Mai dheere se utha aangan saaf kiya …chhat par jo kabutar sajaaye the….unko samet kar layaa…udaasi wahi thi is haqiqat ke khaab mein bhi….magar wo khushboo nahin mili…jo us khaab mein thi……..khaab hi tha shaayad…jo khaab ho gaya…isliye haqiqat bardaasht nahin kar paaya…..magar naa jaane kyun ab tak yakeen nahin hota ki wo khaab tha ki haqiqat…….( sad music……..pause..)
“ insaan khaab ko sundar hote dekh kar bahut khush hota hai….magar haqiqat ki berukhi usey har baar naaummeed kar deti hai……………………………….”

“ Vikram choudhary”

" SHAAYAD KOI KHAAB ADHOORA SA HAI.."

“ SHAAYAD KOI KHAAB ADHOORA SA HAI….”


Sehma sa aankh ka aansoo
Rookhey rukhsaaron par apne
Hissey ki daraaron mien simat kar
Naa jaane kis gehri si neend mien baitha hai
Chup chaap baitha yun hi
Aankhon ko taktaa rehta hai
Shaayad koi khaab adhoora sa hai…………………

Seepi ka thahara sa dil
Kabhi chhalakta sa kabhi behekta sa
Kabhi lehron pe to kabhi ret ke teelon par
Apni muskaan se bachta phirta hai
Kahin hans diye honth
to phisal kar moti beh jaayega
ek apna hi hissa pal mien dhay jaayega
agle hi pal…honth khuley…
bas ek chand si muskuraahat de kar
moti chal padha apne naye aashiyaane ki ore
aakaash mien baahein kholey seepi ka dil
hansne ki khwaahish mien jalta rehta hai
shaayad koi khaab adhoora sa hai………………….

Kora sa kaanch ka khilaunaa
Sajaa hai … bade hi sundar
nakkaashi bhare Khilaunon ke beech
koi satrangi koi gulaabi to koi saundhi si
rangat liye apne apne roop ko sahej raha hai
magar wo kora sa kaanch ka khilauna..
unki hi chamak apne chehre par dekh kar
khush huye jaataa hai…
magar badi dhool si lipti hai uske chehre par
sundar khilaunon ki chamak zaraa..
pheeki si chhan rahi hai uski aankhon mein…
par ye kya… dheere dheere sab sundar khilaune
kahaan jaa rahe hain…mai bhi jaaoon kya…..?
achaanak ek sipaahi aaya aur mujhe
dhakel diya almaari ke peechhey…
mai sisakta raha subakta raha…
gum sum sa ek kone mien palta raha…
ab to har rangeen sa chehra dhundhlaa sa hai…
shaayad koi khaab adhoora sa hai…………………….

--------------------------------------------------------------------------------

" RISHTEY..."

“Rishtey...”


"Rishtey bhi kitney ajeeb hote hain...
Ek pal mein door ek pal mein kareeb hote hain...
rishtey hi to hain jo kishton mein naseeb hote hain...
haath thamey rehte hain par dil door hote hain...
shamma ki aakhiri lau bujhne tak
mehfil mein shareek hote hain...
rishtey bhi kitney ajeeb hote hain....
koi baat na reh jaaye dil mein,
har baat kehne ke shaukeen hote hain...
jazbaat zubaan tak bhar laate hain
magar aansuon se phir bhi gareeb hote hain...
kissey thitholi mein bade namkeen hote hain ,
gham batey to ek do teen hote hain...
rishtey bhi kitney ajeeb hote hain....
dekhein to ek dor mein judey hain
magar har kadam kai girhon mein bandhey hote hain...
chaltey hain saath saath magar
har mode par raastey alag alag hote hain...
jale daaman to daaman bachatey hain
ujaley daaman ke sab ajeez hote hain...
rishtey bhi kitney ajeeb hote hain....
ek pal mein door ek pal mein kareeb hote hain...
haan ye rishtey hi to hain ....
jo dhadkan ho kar bhi seene se door hote hain.....
ye rishtey...........
haan ye rishtey....................................................”

BAS CHAL DIYA HOON MAI..

JEEVAN KI TALAASH MEIN
JEEVAN KI ORE ...
JEEVAN KI OT MEIN
APNE NAYE PARWAAZ KO PANKH DENE.....
BAS CHAL DIYA HOON MAI...........................

KUCHH KHAAB KUCHH KALPANAAON KE SAATH
SACH KI TASVEER KO CHHANTNE ......
BAS CHAL DIYA HON MAI.............................

MERI ANCHHUYI SI KITAAB...
MERA MUJHSE JUDHA RUBAAB..
KOI MUJHSE MAANG KAR LE GAYAA HAI...
THOK PEET KAR...NOCH KHARONCH KAR....
ADAL BADAL KAR....CHAARON ORE SE DEKH RAHA HAI...
KAHIN HAATH SE PHISAL NAA JAAYE ....
KHUD KO USSEY MAANGNE........
BAS CHAL DIYA HOON MAI..........................

MERA HUMSAFAR MERE HUMRAAH KI TALAASH MEIN HAI..
MAI KAANCH KI GUDIYON SA CHUP CHAAP BAITHA HOON...
KOI DEKH NAA LE MUJHSKO TABHI AAINA BAN BAITHA HOON.....
KHUD KO KHUD SE BACHAANA......
BAS CHAL DIYA HOON MAI...................................

KUCHH SAVERA KUCHH ANDHERAA
KUCHH AADHI ADHOORI SI SHAAM AANKHON MEIN LIYE...
APNE PEHLOO MEIN CHHUPE CHAAND KO CHHOONE ....
BAS CHAL DIYA HOON MAI....................................

BE SPIRITUAL